Barsati Jindagi.....

Sleti aasamaan
barasta kabhi kabhi
garajta kabhi kabhi
bundein tapakti, baadalon ke nal se
dhoop chhan chhan ke aati hai
yun hota he kabhi kabhi
jindagi bhi aise barsati ho jaati he

lafzon ko, muskano ko
chhatri bana kar bach jaate hain
mukaute laga ke
chehre laga ke
hum apni barsaati banate hain
apna hi mann he jo
garajta kabhi kabhi
barasta kabhi kabhi

kahin koi chhata
chatak sa hota hai
kahin koi barsaati udaas rang ki
sleti aasmaan ki bhi khasiyat hai
chamakta kahin kahin
madda kahin kahin

baarish me bhi kaisi aankh michouli hai
kuch rang chatakte hain
kuch madde lagte hain
dur se dekho to dikhta hai vo
apna kabhi kabhi
paraya kabhi kabhi
jindagi bhi yuhi...
barsaati kabhi kabhi